அவசர அவசரமாக அலுவலகத்திதற்கு புறப்பட்ட இராமசாமியின் இடது காதில் பல்லி ஒன்று சொத்தென விழுந்தது. பதட்டத்துடன் அதை தட்டிவிட்டபடி பல்லிவிழும் பலன் போட்ட நாட்காட்டியை புரட்டிப் பார்த்தார். இடக்காது லாபம், மகிழ்ச்சி தாங்கமுடியவில்லை.
இராமசாமிக்கு அலுவலகத்தில் அரைப்பணி முடித்து மதியம் வீட்டிற்கு வந்தார். மீண்டும் பல்லி சொத்தென விழுந்தது. மார்பு தனலாபம் மகிழ்ச்சி தாங்க முடியவில்லை இராமசாமக்கு. பால் கொண்டுவந்து வைத்துவிட்டுச் சென்றாள் இராமசாமியின் மனைவி. மீண்டும் பல்லி சொத்தென பால் பாத்திரத்தில் விழுந்தது.
நீண்ட நேரம் தொலைக்காட்சியைப் பார்த்துக் கொண்டிரந்தபடியே பாலைக்குடித்துவிட்டுப் படுத்தார் இராமசாமி. காலையில் துக்கம் தாங்கமுடியாமல் உறவினர்கள் வந்துகொண்டிருந்தனர். பல்லிவிழும் பலன்போட்ட நாட்காட்டி இராமசாமியின் உடலைப்பார்த்து ஆடியபடியே சிரித்துக்கொண்டிருந்தது.
No comments:
Post a Comment