Total Pageviews

Saturday, November 5, 2016

இராமாயண அருங்காட்சியகம் - மோடிக்கு மிஞ்சப் போவது என்ன?

கேள்வி: ஹிந்துக்களின் ஓட்டைப் பெறுவதற்காகவே இராமா யண அருங்காட்சியகம் அமைப்பது போன்ற செயல்களில் மோடி அரசு ஈடுபடுகிறது. இது கடுமையான கண்டனத்துக்குரியது என்கிறாரே, கலைஞர்?
பதில்: ராமரை இழிவுபடுத்திப் பேசியும்கூட ஹிந்துக்களின் ஓட்டைப் பெற முடியும் என்று காட்டியவர் கலைஞர். அவர் போய் இப்படிப் பேசக்கூடாது. ஹிந்துக்களின் மத நம்பிக்கை வேறு; அவர்களுடைய அரசியல் வேறு. ஆகையால், இராமாயண மியூசியம் அமைப்பதற்கும், ஹிந்துக்களின் ஓட்டைப் பெறுவதற்கும் சம்பந்தம் இல்லை (‘துக்ளக்‘, 9.11.2016).
சாமர்த்தியமாகப் பதில் எழுதுவதாக ‘துக்ளக்‘குக்கு நினைப்புப் போலும்! யாருக்காக  ‘துக்ளக்‘ வக்காலத்து வாங்குகிறதோ, அவர் யார்? அவர் எந்தத் தத்துவத்துக்குப் பிரதிநிதி?
அயோத்தியில் ராமன் கோவிலை இடித்த கூட்டத்தின் பிரதி நிதியல்லவா? ராமராஜ்ஜியம் அமைப்போம் என்று மக்களவைத் தேர்தல் பொதுக்கூட்டத்தில் வாரணாசியில் பேசியவர் அல்லவா? ‘ஜெய் ஸ்ரீராம்!’ என்று சில நாட்களுக்குமுன் ராம் லீலா நிகழ்ச்சியில் முழக்கமிட்டவர் அல்லவா?
அப்படிப்பட்டவர், பாபர் மசூதி இடிக்கப்பட்ட அந்த இடத்தி லேயே ராமன் கோவிலைக் கட்டுவோம் என்று சொல்லுகிற கூட்டத்தின் முக்கிய தளகர்த்தரான நரேந்திர மோடி, அதே அயோத்தியில் இராமாயண மியூசியம் அமைப்போம் என்று சொல்லுவது எந்த அடிப்படையில்?
கோவணம் கட்டாத கோலி விளையாடும் சிறு பையனுக்குத் தெரிந்த தகவல்கூட திருவாளர் ‘சோ’ ராமசாமிக்குத் தெரியாதா? ஏன் தெரியாது? நன்றாகவே தெரியும். தெரிந்திருந்தும் வல்லடிப் பேசும் போக்கு என்பது பார்ப்பனர்களின் பாரம்பரியக் குணம்தானே!
ராமன் என்பவன் யார்? இந்து மதத்தில் காக்கும் கடவுள் என்று கூறப்படும் மகாவிஷ்ணுவின் அவதாரம் அல்லவா!
பிருகு முனிவருடைய மனைவியை மகாவிஷ்ணு கொன்றதால், பிருகு முனிவரின் சாபத்தால் மனித வடிவத்தில் ராமனாகப் பிறந்து மனைவியை இழந்து பரிதவிக்கவேண்டும் என்ற நிலை.
Powered by Greatadsசலந்தரசுரனின் மனைவியாகிய பிருந்தையைப் புணரவேண் டும் என்று மகாவிஷ்ணு ஆவல் கொண்டான். சலந்தரசுரன் இறந்த நிலையில், அவனின் உடலில் விஷ்ணு புகுந்துகொண்டு பிருந்தையை சில நாள் அனுபவித்து வந்தான். உண்மையை உணர்ந்த பிருந்தை மகாவிஷ்ணுவுக்கு சாபம் விடுகிறாள். “நீ மனிதனாகப் பிறந்து உன் மனைவியை மாற்றான் கவர்ந்து அனுபவிக்கவேண்டும்‘’ என்று சாபமிடுகிறாள். பின் தீக்குளித்து அப்பெண் தன் உடலைச் சாம்பலாக்கினாள். அந்தச் சாம்பலில் மகாவிஷ்ணு புரண்டான். அதன்பின் அந்த சாம்பலில் முளைத்த துளசியை அணிந்து மயக்கம் தீர்ந்தான் மகாவிஷ்ணு என்று ஸ்கந்த புராணம் ‘தக்க காண்டம்‘ 23 ஆம் அத்தியாயம் கூறுகிறது.
இராமன் பிறப்புக்கு இவ்வளவுக் கேவலமான புராணம் இருக் கின்றது. உத்தேசிக்கப்பட்டுள்ள இராமாயண அருங்காட்சியகத்தில் ராமன் பிறப்புக்குக் காரணமான இதனை ஓவியமாகத் தீட்டு வார்களா?
ஒரு புராணக் கதைக்கு முக்கியத்துவம் கொடுப்பதேன்?
இராமாயணம், மகாபாரத, இதிகாசங்களாக இருந்தாலும் சரி, பதினெண் புராணங்களாக இருந்தாலும் சரி, அவற்றில் வரும் அசுரன் என்பவர்கள் எல்லாம் திராவிடர்களே என்று வரலாற்று ஆசிரியர்கள் கூறி இருக்கிறார்களே!
‘‘தென் இந்தியாவில் இருந்த மக்களேதான் இராமாயணத்தில் குரங்குகள் என்றும், அரக்கர்கள் என்றும், அசுரர்கள் என்றும் அழைக்கப்பட்டிருக்கிறார்கள்’’ என்று கூறியிருப்பது இந்து மதத்தை அமெரிக்கா வரை சென்று பிரச்சாரம் செய்து வந்த சாட்சாத் விவேகானந்தர்தான்! (‘‘சுவாமி விவேகானந்தர் அவர்களது சொற்பொழிவுகளும், கட்டுரைகளும்‘’ - ‘‘இராமாயணம்‘’ எனும் தலைப்பில் பக்கம் 587-589).
‘‘இராமாயணத்தில் தென்னிந்தியா (திராவிட தேசம்) தஸ் யூக்கள் என்ற ராட்சதர்களுக்குச் சொந்தமாக இருந்தது. இவர் கள் (தென் இந்தியர்கள்) வட இந்தியாவில் இருந்து வந்த ஆரியர் களைப்போலவே நாகரிகமடைந்தவர்களாய் இருந்தார்கள்’’ (பி.டி.சீனிவாச அய்யங்கார் எழுதிய ‘‘இந்திய சரித்திரம் முதல் பாகம்‘’ - பக்கம் 10).
இன்னும் என்ன ஆதாரங்கள் தேவை? விவேகானந்தர் முதல் அய்யங்கார் வரை சொல்லியாயிற்று. அன்று தொடங்கிய ஆரியர் - திராவிடர் போராட்டம் தொடர்ந்துகொண்டே தானிருக்கிறது.
அயோத்தியில் இராமாயண அருங்காட்சியகம் அமைப்பது என்றால், அதிகாரத்தைப் பயன்படுத்தி, ஆரியர்களின் நாகரிகத்தை வரலாறாக நிலை நிறுத்துவதற்கான ஏற்பாடு, சூழ்ச்சி என்பதாக திராவிடர்களாகிய நாங்கள் கருதமாட்டோமா?
நடப்பது மதச்சார்பற்ற அரசா - இல்லை ஆரியர்களின் நாகரிகத்தை நிலைநாட்டுவதற்கான பார்ப்பன ஆதிபத்திய அரசா?
அன்றைக்கு ராமனுக்கு, விபீடணர்களும், சுக்ரீவன்களும் கிடைத்ததுபோல, இன்றைக்கு  ஆரியப் பார்ப்பனர்களுக்கு மோடி கிடைத்திருக்கிறார் என்றுதானே கொள்ளவேண்டும்.
நியாயமாக மோடி ராமனின் எதிர்த்திசையில் நின்றிருக்க வேண்டும். விபீடணனுக்கு ஆழ்வார் பட்டம் கிடைத்து, ராஜ்ஜி யமும் கிட்டியதுபோல, மோடிக்குக் கிடைத்திருக்கிறது என்பதுதான் வரலாற்றின் சுழற்சியாகும்.
சிந்து சமவெளி நாகரிகம் திராவிடர் நாகரிகம் என்று தொல் பொருள் ஆய்வு அறிஞர்கள் எல்லாம் (அய்ராவதம் மகாதேவன் உட்பட) ஒருமனதாகக் கூறியும், வாஜ்பேயி  பிரதமராக இருந்த போது  அன்றைய மனித வள மேம்பாட்டுத் துறை அமைச்சர் முரளிமனோகர் ஜோஷி ஏற்பாட்டில், திராவிடர்களின் எருதை, கணினிமூலம் குதிரையாகக் காட்டி, குதிரை என்பது ஆரிய நாகரிகத்துக்குச் சொந்தம் என்று புரட்டல் வேலையில் ஈடுபடவில்லையா?
நரேந்திர மோடிகளே, நீங்கள் என்னதான் ஆரியத்திற்குத் துணை போனாலும் உங்களுக்கு வரலாற்றில் விஞ்சி இருப்பது சூத்திரப்பட்டமே என்பதை மறவாதீர்.
வேண்டாம், இந்த இராமாயண அருங்காட்சியக வேலை யெல்லாம் என்பதே நமது அழுத்தமான வேண்டுகோள்!

0 comments: