திமுக தலைவர் தளபதி மு.க.ஸ்டாலின் கண்டனம்

இதுதான் மோடியின் பற்று: தமிழ் உள்ளிட்ட மொழிகளை விட சமஸ்கிருதத்திற்கு ரூ.643.84 கோடி ஒதுக்கீடு

நாடாளு மன்றத்தில் சமஸ்கிருத வளர்ச்சி குறித்து பா.ஜ.க உறுப்பினர்கள் எழுப்பிய கேள்விக்கு மத்திய சுற்றுலா மற்றும் பண்பாட்டுத்துறை அமைச்சர் பிரஹ்லாத் சிங் படேல் பதிலளித்தார். அப்போது, சமஸ் கிருத மொழி வளர்ச்சிக்காக  டில்லி யில் தேசிய சம்ஸ்கிருத மய்யம் நிறுவப்பட்டுள்ளதாகவும், இதற்கு, 2019- -2020-இல் ரூ.231.15 கோடி, 2018- -2-019இல் ரூ.214.38 கோடி, 2017- - 2018-இல் ரூ.198.31 கோடி என கடந்த 3 ஆண்டுகளில் மொத்தம் ரூ.643.84 கோடி நிதி ஒதுக்கப்பட்டுள்ளதாகவும்  தெரிவித்தார்.

இதன் மூலம், மத்திய பா.ஜ.க அரசு, கடந்த 3 ஆண்டுகளில் சமஸ் கிருத மொழிக்காக 643.84 கோடி ஒதுக்கீடு செய்துள்ளது. இந்தத் தொகை தமிழ், தெலுங்கு, கன்னடம், மலையாளம் மற்றும் ஒரிய மொழி களுக்கு செலவிட்ட தொகையைவிட 29  மடங்கு அதிகம் என தெரிய வந்துள்ளது. இந்நிலையில், பா.ஜ.க அரசின் இந்த துரோகத்திற்கு தி.மு.க தலைவர் தளபதி மு.க.ஸ்டாலின் கடும் கண்டனம் தெரிவித்து நேற்று (18.2.2020) வெளியிட்டுள்ள அறிக் கையில், “உலக நாடுகள் எங்கும் பயணம் செல்லும் பிரதமர்,  உலகப் பொதுமறை தந்த திருவள்ளுவரையும், உலகத்தையே உறவாகக் கொண்ட கணியன் பூங்குன்றனாரையும், மேற் கோள் காட்டுகிறார்.

மத்திய நிதிநிலை அறிக்கையைத் தாக்கல் செய்யும் நிதி அமைச்சர் நிர்மலா சீதாராமன், வள்ளுவர் குறளைத் தேடித்தேடி மேற்கோள் காட்டுகிறார். இதைச் சொல்லி சிலா கித்துக் கொள்ளும் சிலர், 'பார்த்தீர் களா பா.ஜ.கவின் தமிழ்ப்பற்றை' என்று  வாய் ஜாலம் காட்டுகிறார்கள். இந்தப் பற்று வெறும் சொல்லில் தான் இருக்கிறதே தவிர, செயலில் கிஞ்சிற்றும் இல்லை என்பதை நிரூபிக்கிறது என்று குறிப்பிட்டுள் ளார்.

மேலும், இந்தியாவின் செம்மொழிப் பட்டியலில் உள்ள தமிழ் உள்ளிட்ட மற்ற மொழிகளை விட சமஸ்கிருதத்திற்கு மட்டும் 22 மடங்கு அதிகமாக மத்திய அரசு நிதி ஒதுக்கி இருப்பதாக வெளியாகி உள்ள தகவல் அதிர்ச்சியும், வேதனை யும்  அளிக்கிறது.

தமிழ் மொழியையும் தமிழர்களை யும் தமிழ்நாட்டையும் மத்திய பா.ஜ.க அரசு எந்த அளவுக்குப் புறக்கணிக்கிறது என்பதை இதன் மூலம் உணரமுடிகிறது என்றும் குறிப்பிட்டுள்ளார்.

முத்தமிழறிஞர் கலைஞரால் நமது தாய்மொழியாம் தமிழுக்குப் பெற்றுத் தரப்பட்ட செம்மொழித் தகுதியும், அதற்கான பயன்களும் மத்திய, மாநில அரசுகளின் ஓரவஞ்சனையால் சிதைக்கப்பட்டு வருவது தமிழுக்கும், தமிழர்களுக்கும் மட்டும்  செய்யும் துரோகம் மட்டுமல்ல, பல கோடிக்கணக்கான உலகத்தமிழர் நெஞ்சில் வேல்பாய்ச்சும் விபரீதம் என்பதையும் சுட்டிக்காட்ட விரும்பு கிறேன்.

எனவே, செம்மொழித் தமிழாய்வு நிறுவனத்திற்கு உரிய நிதியை முழுமையாக ஒதுக்கி,  ஆய் வறிஞர்களை நியமித்து, காலிப்பணியிடங்களை நிரப்பி, செம்மொழித் தமிழின் வளர்ச்சி செம்மையாக நடைபெற வழிவகுக்க வேண்டும் என மத்திய, மாநில அரசுகளை வலியுறுத்திக் கேட்டுக் கொள்கிறேன்.

இவ்வாறு அறிக்கையில்  தெரிவித்துள்ளார்.