விடுதலை செய்தியின் எதிரொலி: ஆசிரமத்தின் முறைகேடுகளைக் கண்டித்து புட்டபர்த்தியில் பொதுமக்களே நடத்தும் பந்த்

புட்டபர்த்தி, ஜூன் 25- கடந்த 22.6.2011 அன்று திராவிடர் கழகப் படையினர் புட்டபர்த்தியிலுள்ள சாய்பாபா ஆசிரமத்திற்கு சென்று புலனாய்வு செய்து, பொதுமக்களிடம் கருத்தையும் கேட்டு, நேற்று (24.6.2011) விடுதலையில் தலைப்பு செய்தியையும் வெளியிட்டது. இச்செய்தி விடுதலை இணைய தளத்தின் மூலமாகவும் வெளியானது.

இச்செய்தியின் எதிரொலியால், இன்று (25.6.2011) பொதுமக்களே அறக்கட்டளைகளின் முறைகேடுகளை கண்டித்து முழு அடைப்பினையும், ஊர்வலத்தினையும் நடத்தி வருகின்றனர்.

முழு அடைப்பின் காரணமாக, கடைகள் மூடப்பட்டுள்ளன; பேருந்துகள் ஓடவில்லை.

பொதுமக்கள் ஒன்று திரண்டு சாய்பாபா அறக்கட்டளையின் முறைகேடுகளைக் களைய வற்புறுத்தி ஊர்வலம் செல்கின்றனர்.